A illa de Moraes

Seguindo o ronsel do seu anterior filme, A illa dos amores, Paulo Rocha mergúllase unha vez máis no imaxinario e na memoria do escritor portugués Wenceslau de Moraes a través de textos, fotografías, manuscritos e, sobre todo, dos testemuños daquelas persoas marcadas pola súa vida e a súa obra, tanto en Portugal como en Xapón.

Un fascinante retrato íntimo, con imaxes filmadas durante máis dunha década, que reflicte a admiración de Rocha polo escritor clave do orientalismo portugués.